Սահմանադրական փոփոխությունները հանրաքվեի դնելու նախագիծն ուղարկվել է ՀՀ նախագահի աշխատակազմին
Ազգային ժողովի նախագահ Արարատ Միրզոյանը Սահմանադրական փոփոխությունների հանրաքվեի դնելու վերաբերյալ նախագիծն ուղարկել է նախագահի աշխատակազմ։ Այս մասին NEWS.am-ի հետ զրույցում նշեց ՀՀ նախագահի օգնական Հասմիկ Պետրոսյանը:
Նշենք, որ ըստ օրենսդրության, Արմեն Սարգսյանը երեք օր ժամանակ ունի այն վավերացնելու համար։
Ավելի վաղ հայտնել էինք, որ փետրվարի 6-ին Սահմանադրական փոփոխությունների նախագիծը ԱԺ-ն առաջին ընթերցմամբ չընդունվեց, փոխարենը ընդունվեց այն հանրաքվեի դնելու մասին նախագիծը։ Այդ նախագծով փոփոխության է ենթարկվում Սահմանադրության 213-րդ հոդվածը այնպես, որ մինչեւ 2018 թվականի ապրիլ ընտրված ՍԴ նախագահների լիազորությունները դադարեցվում են:
