Միջավայրի ազգային գործակալության տեղեկությամբ` միջազգային նշանակության Մցխեթա-Ստեփանծմինդա-Լարս (Ռուսաստանի Դաշնության սահման) ավտոճանապարհի Գուդաուրի (Փոստա)-Կոբի հատվածում բարդ օդերևութաբանական պայմանների պատճառով կա ձնահոսքի վտանգ, և արգելված է բոլոր տիպի ավտոտրանսպորտի երթևեկությունը:

Տեղեկությունը հայտնում է Վրաստանի ավտոճանապարհային վարչությունը:

«Ճանապարհի մնացած հատվածներում ավտոտրանսպորտի երթևեկությունն ազատ է»,- նշված է տեղեկության մեջ: