Մեր նպատակն է, որ չունենանք ինքնասպանություն, եթե ձևը գիտեք, ասեք. Արտակ Դավթյան
Այսօր ԱԺ-ում Ապրիլյան պատերազմի հանգամանքները քննող հանձնաժողովի աշխատանքներին ներկա է եղել ՀՀ ԶՈՒ ԳՄ շտաբի պետ Արտակ Դավթյանը:
Նիստից հետո լրագրողների հետ զրույցում նա նշել է, որ աշխատանքները սահուն են ընթացել:
Դավթյանն անդրադարձել է նաև վերջին շրջանում բանակում միանգամից 4 զոհ ունենալուն: Դիտարկմանը, թե իրավապաշտպանները վատ են արձագանքում իրավիճակին, պատասխանել է.
«Իրավապաշտպանները կամ ցանկացած քննադատող դասակի հրամատարի մակարդակով եթե մեկը ծառայեր, այդպես չէր ասի, նույն իրավապահները թող աջակցեն կամ գա, տեսնենք` ոնց է անելու. ամեն օր ունենք կամրջից ընկած, շմոլից խեղդված, հասարակությունն է այդպես:
Վերցրեք այլ երկրների բանակները, ինքնասպանությունների քանակը նայեք, իհարկե, ունենք բացթողումներ, մենք էլ ենք տեղում, խնդիրները տեսնում ու գիտակցում ենք: Վարչապետը հայտարարեց, որ անցած տարի ամենաքիչ զոհեր եղան, աղմուկ բարձրացավ, ի՞նչ անենք, ասենք` շա՞տ է, մեր նպատակն է, որ չունենանք ինքնասպանություն, եթե ձևը գիտեք, ասեք»:
