ԱԺ-ում ավելի շատ ճգնաժամ կա, քան Սահմանադրական դատարանում. Գևորգ Պետրոսյան

ԱԺ «Բարգավաճ Հայաստան» խմբակցությունից Գևորգ Պետրոսյանն այսօր լրագրողների հետ հանդիպմանն անդրադարձավ Սահմանադրական փոփոխությունների հարցով հանրաքվե անցկացնելու որոշմանը: 

«Ես հետևել եմ սոցցանցի արձագանքին, մենք որոշեցինք չմասնակցել քվեարկությանը, սա հիմք է հանդիսացել, որ մեզ մեղադրեն երերուն կեցվածքի համար, բայց նման խնդիր չկա»,- ասաց նա: 

Պետրոսյանի գնահատմամբ՝ սահմանադրական ճգնաժամ, իբրև այդպիսին, գոյություն չունի, դա շինծու օրակարգ է: 

«Եթե ասում ենք ճգնաժամ, դա պետք է հասկանալ ոչ թե մանր-մունր հակասություններ կամ մեկը մեկին չի սիրում, այլ որ այդ մարմինը հնարավորություն չունի իրականացնել իր առջև դրված պարտականությունը, բայց խնդրում եմ ասել մի դեպք, երբ Հրայր Թովմասյանի օրոք Սահմանադրական դատարանը դիմում է ստացել Սահմանադրությամբ դրա համար լիազորված անձանց կողմից և չի կարողացել կայացնել որոշումներ, քննել գործը: 

Ասեմ, ԱԺ-ում ավելի շատ ճգնաժամ կա՝ իրար նկատմամբ վստահության, հանդուրժողականության ճգնաժամ»,- նշեց պատգամավորը: