ԱԺ «Իմ քայլը» խմբակցության անդամ Վահագն Հովակիմյանը խորհրդարանում սահմանադրական փոփոխությունների նախագիծը ներկայացնելուց առաջ անդրադարձավ նախորդած իրավիճակի պատմությանը: Հովակիմյանը հիշեցրեց՝ Սահմանադրության բարեփոխումների գործընթացի նախաձեռնման ժամանակ արդարադատության նախարարի պաշտոնը զբաղեցնող Հրայր Թովմասյանն ի պաշտոնե ընդգրկվեց այդ հարցով զբաղվող հանձնաժողովի մեջ:

Պատգամավորը հիշեցրեց՝ նախագծի բուն հեղինակը համարվում է այն ժամանակ ԱՆ պաշտոնը զբաղեցնող Հրայր Թովմասյանը:

Հովակիմյանը բացահայտեց Թովմասյանի «Ի» օպերացիայի նպատակը, նաև նշեց՝ ինչու է օպերացիան այդ կերպ անվանում:

«Ինչո՞ւ «Ի», որ, ինչպես հայտնի ֆիլմում է ասվում, ոչ մեկը գլխի չընկնի: Նպատակը ՍԴ նախագահի ղեկավար կարգվելն էր, բայց խնդիր կար՝ ՍԴ գործող նախագահ Գագիկ Հարությունյանի ծննդյան օրը հնարավոր չէր փոխել, նա իր լիազորություններն ավարտում էր մարտի 23-ին: Մարդը ծնվել է, հո զոռով չե՞ս կարող օրը փոխել: Սրա միջոցն էլ գտան, ծննդյան օրը փոխեցին. Հարությունյանը 20 օր առաջ հրաժարվեց պաշտոնից: Նա ոչ թե ՍԴ անդամի պաշտոնից, այլ նախագահի պաշտոնից հրաժարվեց: Եթե դատավորի պաշտոնից հրաժարվեր, դա ևս թույլ չէր տա լուծել խնդիրը, որ Հրայր Թովմասյանը դառնար ՍԴ նախագահ»,- ասաց նա: 

Տեսանյութը` Shantnews.am-ի: