«Աբսուրդի ժանրից է». «Շմայսի» որդու փաստաբանը՝ առաջադրված մեղադրանքի մասին

Պարտադիր ժամկետային զինծառայող, շարքային Վահրամ Ավագյանի մահվան դեպքի առթիվ քննվող քրեական գործով մեղադրյալ Դավիթ Մովսիսյանի նկատմամբ, որպես խափանման միջոց ընտրված կալանավորման որոշումը կբողոքարկվի։

Այս մասին, NEWS.am-ին հայտնել է Մովսիսյանի փաստաբան Գոռ Գեւորգյանը։

«Բողոքարկելու ենք կալանավորումը։ Ասեմ, որ առաջադրված մեղադրանքի հետ Դավիթ Մովսիսյանը որեւէ կապ չունի, աբսուրդի ժանրից է, կտրված իրավական հիմնավորումից, մեղադրանքի էությունը որ կարդաք ու համադրեք փաստերի հետ, կտեսնեք, որ միայն կամայանական է։ Կան շատ խախտումներ»,- ասել է փաստաբանը։

Նշենք, որ երեկ առաջին ատյանի դատարանը բավարարեց Քննչական կոմիտեի կողմից ներկայացված կալանավորման միջնորդությունը։