Երևանում հայրը ավտոտնակում հայտնաբերել է 31-ամյա որդու կախված դին

Երեկ՝ փետրվարի 3-ին, ողբերգական դեպք է տեղի ունեցել Երևանում։ Ժամը 18։00-ի սահմաններում ոստիկանության Շենգավիթի բաժին ահազանգ է ստացվել, որ Արտաշիսյան փողոցի շենքերից մեկի բակում գտնվող ավտոտնակում տղամարդու դի կա կախված։

Shamshyan.com-ի փոխանցմամբ, դեպքի վայր են ժամանել ոստիկանության Շենգավիթի բաժնի օպերատիվ խումբը, Հայաստանի քննչական կոմիտեի խումբը, որոնք նշված ավտոտնակում առաստաղից վարագույրով կախված վիճակում հայտնաբերել են 31-ամյա Միքայել Ա.-ի դին։

Փաստի առթիվ ստեղծվել է քննչական խումբ, և խմբի ղեկավար, նույն քննչական բաժնի հատկապես կարևոր գործերով ավագ քննիչ Ռաֆայելյանի որոշմամբ՝ նշանակվել է դատաբժշկական փորձաքննություն։ Կայքի տեղեկություններով՝ որդուն այդ վիճակում հայտնաբերել է հայրը։