«Էրեբունի պլազա» ներխուժած եւ կրակոցներ արձակած Արթուր Թորոսյանի նկատմամբ նշանակված դատահոգեբուժական փորձաքննությունը կտևի 1 ամիս։

Այս մասին ArmDaily.am-ի հետ զրույցում ասաց Թորոսյանի պաշտպան Էդուարդ Աղաջանյանն՝ ընդգծելով, որ քանի որ ստացիոնար փորձաքննություն է, բավականին երկար է տևում։ Փորձաքննության եզրակացությսունը կապ չունի կալանքի բողոքարկման նիստ նշանակելու հետ։

Հիշեցնենք, որ խափանման միջոցը փոխելու համար պաշտպանը բողոք էր ներկայացրել Վերաքննիչ քրեական դատարան։ Առայժմ հայտնի չէ, թե հատկապես որ դատավորին է մակագրվել բողոքը, հետևաբար նաև նիստ դեռ նշանակված չէ։

«Նորմալ ընթացակարգ է, բողոքարկման համար 10 օր ժամկետ է տրված, բայց մենք բողոքարկել ենք 2-րդ օրը, անգամ բողոքարկման ժամկետը չի լրացել»,-ասաց նա։

Հիշեցնենք, որ դատահոգեբուժական փորձաքննության անհրաժեշտությունն առաջացել էր, այն բանից հետո, երբ Թորոսյանը պատճառաբանելով «Էրեբունի պլազա» ներխուժելը, նշել էր, որ ցանկացել է ՀՀ երկրորդ նախագահ Ռոբերտ Քոչարյանի որդուց՝ Սեդրակ Քոչարյանից պարզի, թե ինչու են իրեն ծրագրավորել։

Հիշեցնենք՝ հունվարի 23-ին Արթուր Թորոսյանը ներխուժել էր «Էրեբունի պլազա» եւ կրակոցներ արձակել: Նրա հետ բանակցություններ էր վարել անձամբ ՀՀ ոստիկանապետի պաշտոնակատար Արման Սարգսյանը, ինչի արդյունքում նա հանձնել էր զենքը, ապա վնասազերծվել: Դեպքի առթիվ հարուցվել է քրեական գործ ՀՀ ՔՕ-ի 218-րդ, 235-րդ (ապօրինի կերպով զենք-զինամթերք պահելը, կրելը կամ փոխադրելը) եւ 185-րդ հոդվածներով, եւ Թորոսյանի նկատմամբ որպես խափանման միջոց էր ընտրվել կալանավորումը:

Մանրամասները սկզբնաղբյուր կայքում: