ԼՈՒՍԱՆԿԱՐՆԵՐ․ Սեբաստիա փողոցում կոյուղաջրերը լցվել են շենքերի հարակից տարածքներ
Քիչ առաջ Auroranews-ը ահազանգ ստացավ, որ Երևանի Մալաթիա-Սեբաստիա վարչական շրջանի Սեբաստիա փողոցի թիվ 16 շենքի տարածքում կոյուղաջրերի խողովակները խցանվել են և դուրս թափել փողոցում, ինչի հետևանքով շենքի հարակից տարածքում տարածվել է գարշահոտություն։
Մեզ զանգահարած քաղաքացին հայտնեց, որ խնդիրն առկա է արդեն երեք օր։
«Դեռ 3 օր առաջ դիմել ենք «Վեոլիա Ջուրը ՓԲԸ» -ը, սակայն որևէ կերպ չեն արձագանքել խնդրին։ Իսկ հիմա ամեն բան ավելի է բարդացել, կոյուղաջրերի հոսքը հասել է Միրաքյան փողոց։ Գարշահոտություն է տիրում»,- մեզ հետ զրույցում ասաց ահազանգած քաղաքացին։
Auroranews-ը կապ է հատատել ՀՀ Արտակարգ իրավիճակների նախարարություն և տեղյակ պահել խնդրի մասին։
