Տավուշի մարզում որևէ արտառոց դեպք տեղի չի ունեցել. Սիփան Փաշինյան
Համացանցում տարբեր օգտատերերի կողմից տեղեկատվություն է տարածվել այն մասին, որ Տավուշի մարզի գյուղերից մեկում պայթյուն է որոտացել: Ավելի կոնկրետ Տավուշի մարզի Ենոքավան գյուղում ինքնաթիռ է վայր ընկել: ԱԺ պատգամավոր Սիփան Փաշինյանը ֆեյսբուքի իր էջում տեղեկացրել է, որ Տավուշի մարզում որևէ արտառոց բան չի կատարվել, ոչ պայթյուն է որոտացել, ոչ էլ ինքնաթիռ է ընկել:
«Սիրելի հայրենակիցներ, տարբեր օգտատերերի կողմից ապատեղեկատվություն է տարածվում առ այն, որ Տավուշի մարզի գյուղերից մեկում պայթուն է որոտացել, մի մասն էլ տարածում է, թե Ենոքավան գյուղում ինքնաթիռ է վայր ընկել: Այս լուրերը չեն համապատասխանում իրականությանը: Մարզում ամեն ինչ հանգիստ է, որևէ արտառոց դեպք չի գրանցվել»,- գրել է Սիփան Փաշինյանը:
