«էրեբունի պլազա» հյուրանոցին մոտենալ չի թույլատրվում նաև այդտեղ գործող մանկապարտեզի երեխաների ծնողներին

«Էրեբունի պլազա» հյուրանոցում կրակոցներ հնչեցրած անձը դեռ չի վնասազերծվել: Այս պահին դեպքի վայրում են նաև Ազգային անվտանգության ծառայության տնօրենի պաշտոնատար Էդուարդ Մարտիրոսյանը և ոստիկանության պետի պաշտոնակատար Արման Սարգսյանը:

«Էրեբունի պլազա» հյուրանոցի տարածքում հավաքվել են նաեւ այդտեղ գործող մանկապարտեզի երեխաների ծնողները, որոնք եկել էին նրանց տանելու:

Ոստիկանները նաեւ նրանց թույլ չեն տվել մոտենալ դեպքի վայրին՝ վստահեցնելով, որ երեխաներին վտանգ չի սպառնում, եւ իրավիճակը վերահսկվում է. նրանք պատրաստվում են երեխաներին այլ մուտքից դուրս բերել:

Ըստ մամուլում շրջանառվող տեղեկությունների՝ կա պատանդ (կան պատանդներ): Այս տեղեկությունը, սակայն, պաշտոնապես առայժմ չի հաստատվել: