Մոսկվայում տեղի կունենա Պոզների հայերեն թարգմանությամբ գրքի շնորհանդեսը
Ռուս հայտնի լրագրող և գրող Վլադիմիր Պոզները Մոսկվայում կներկայացնի իր հեղինակած «Հրաժեշտ պատրանքներին» («Прощание с иллюзиями») հայերեն թարգմանությամբ գիրքը: Այս մասին մասին Պոզները տեղեկացրել է Ինստագրամի իր էջում:
Միջոցառումը տեղի կունենա փետրվարի 3-ին, ժամը 19:00-ին՝ «Բիբլիո-Գլոբուս» գրախանութում: «Սպասում ենք ձեզ»,- գրել է Պոզները:
Գիրքն առաջին անգամ հրատարակվել է 1990 թվականին՝ անգլերեն լեզվով: Հետո այն թարգմանվել է ռուսերեն: Գրքում Պոզները նկարագրում է նաև իր այցը Հայաստան՝ նշելով, որ հայ ժողովուրդը կարողացել է պահպանել գոյությունը՝ չնայած 1915-ի ցեղասպանությանը: Անցած տարի Երևանում ևս տեղի ունեցավ գրքի հայերեն տարբերակի շնորհանդեսը, որին ներկա էր անձամբ Պոզները:
