ՏԵՍԱՆՅՈՒԹ. Սերժ Սարգսյանի փեսան «Неуловимый Джо»-ն է». Սիմոնյան

Սերժ Սարգսյանի փեսան «Неуловимый Джо»-ն է, որ երբ հարցնում են՝ ոչ ոք չի կարողանում իրեն բռնի՞, պատասխանում են՝ ոչ, ինքը 100 տարի ոչ մեկին պետք չի: Այս մասին, այսօր՝ հունվարի 21-ին, ԱԺ-ում լրագրողների հետ զրույցում նշեց ԱԺ փոխնախագահ Ալեն Սիմոնյանը՝ անդրադառնալով Վատիկանում ՀՀ նախկին դեսպան Միքայել Մինասյանին:

«Նա փորձում է իրեն ենթակա կայքերով ինչ-որ շղարշ ստեղծի, հետո ինքն իրեն ծափահարի եւ ասի, որ ինչ-որ բան է փոխելու: Ինքը Սերժ Սարգսյանի փեսայի պիտակն ունի եւ դրանից չի ազատվելու: Իրեն եւս խորհուրդ եմ տալիս քիչ խոսել, որովհետեւ, անկեղծ ասած, շատ մարդիկ իրեն լուրջ չեն վերաբերում: Իր քննադատությունը կարող է ազդել միայն իրեն շրջապատող եւ իրենից գումար ստացող մարդկանց վրա, որոնք այդ նյութը կտարածեն, կգովաբանեն: Ինքն էլ փառավորվի եւ որոշ ժամանակ անց նորից իր կարծիքով հետաքրքիր գրառում անի, որից ամբոխները խելագարված կվազեն պարոն Մինասյանի մոտ, եւ կխնդրեն, որ ինքը գա ու փրկի իրենց»,-ասաց Ալեն Սիմոնյանը:

Տեսանյութը NEWS.am-ի.