Այս նախագիծն ինձ հիշեցնում է հայտնի անեկդոտը՝ կոճակը գտա, մնաց վերարկուն. Զոհրաբյան
ԱԺ-ն այսօր, ի թիվս այլ նախագծերի, ընդունել է պետական մրցանակներ հանձնելու մասին կառավարության նախագիծը, թեև ընդդիմադիր խմբակցությունները կողմ չեն քվեարկել: Մինչ քվեարկությունը, Նաիրա Զոհրաբյանն ասել է․
«Այս նախագիծն ինձ հիշեցնում է հայտնի անեկդոտը՝ կոճակը գտա, մնաց վերարկուն: Մենք գտնում ենք, որ պետական մրցանակներ տվող պետական հանձնաժողովների ամբողջ հայեցակարգը վերանայման խնդիր ունի, որովհետև տարիներ շարունակ ծառայել են այլ նպատակների, արժեզրկվել են, մեզ համար կարևոր չէ՝ վերջնարդյունքում ով կհանձնի մրցանակը, ընդունելի չէ, որ նախարարը միանձնյա պետք է որոշի հանձնաժողովի կազմը, այս պահին կքվեարկենք ձեռնպահ, կանենք առաջարկություններ կազմի վերաբերյալ, որից հետո կորոշենք քվեարկության կերպը»:
«Հաշվի առնելով, որ կան բացեր և թերություններ, այս պահին «Լուսավոր Հայաստանը» դեմ կքվեարկի, որից հետո կանենք առաջարկություններ»,-ասել է «Լուսավոր Հայաստան» խմբակցության անդամ Աննա Կոստանյանը:
