Առողջապահության համաշխարհային կազմակերպությունը (ԱՀԿ) հունվարի 22-ին արտակարգ նիստ կանցկացնի Չինաստանում նոր կորոնավիրուսի բռնկման կապակցությամբ: Այդ մասին ասված Է կազմակերպության մամուլի տեղեկագրում, հաղորդում է ՌԻԱ Նովոստիին: 

«Կոմիտեն չորեքշաբթի օրը՝ հունվարի 22-ին, հանդիպում կանցկացնի Ժնևում՝ պարզելու՝ բռնկումն արդյոք իրենց արտակարգ դրություն Է ներկայացնում միջազգային մասշտաբի հասարակական առողջապահության բնագավառում, թե՞ ոչ»,- նշված է հայտարարությունում: 

Նշենք, որ Չինաստանում շարունակում Է ավելանալ կորոնավիրուսով վարակվածների թիվը: ՉԺՀ-ի Հիգիենայի և առողջապահության հարցերի պետական կոմիտեի կողմից հունվարի 21-ին տարածված տվյալների համաձայն` նրանց թիվը հասել Է 291-ի: 

Վերջին 24 ժամվա ընթացքում 77 նոր դեպք Է գրանցվել Ուհան քաղաքում և հարակից Հուբեյի նահանգում, Պեկինում և Շանհայում: Հրապարակված վիճակագրության համաձայն, ներկայում վարակվածների մեծամասնությունը (270 մարդ) գտնվում Է Ուհանում, որտեղից սկսվել Է հիվանդության տարածումը: 

Հինգ բնակիչ հոսպիտալացված Է Չինաստանի մայրաքաղաքում, 14 մարդ՝ Գուանդունի հարավային նահանգում, երկուսը՝ Շանհայում: Եվս 14 տարածաշրջանում կարանտինի են ենթարկվել 54 անձ, որոնց մոտ հայտնաբերվել են թոքաբորբի նմանվող ախտանիշեր: Ուհան քաղաքում նոր տիպի թոքաբորբից մահացած մարդկանց թիվը հասել է 6-ի: