23-ամյա երիտասարդը խոստովանել է, որ մշտապես գողացել է մեքենաների կողային հայելիները
Հունվարի 15-ին, ժամը 14.00-ին, ոստիկանության Նոր Նորքի բաժնի ՔՀԲ ծառայողները Շիրակի փողոցից, գողություն կատարելու կասկածանքով, բերման են ենթարկել 23-ամյա երիտասարդի, որը տվել է խոստովանական բացատրություն, որ 2019 թ. դեկտեմբերին գողացել է Ավանի Նարեկացի թաղամասում կայանված «Մերսեդես» մակնիշի մեքենայի կողային հայելիները:
Ոստիկանությունից հայտնում են, որ ՔՀԲ ծառայողների անցկացրած բացատրական աշխատանքի շնորհիվ նա խոստովանել է կատարած այլ գողություններ եւս: 2019 թ. դեկտեմբերին գողացել է Ավանի Քուչակ թաղամասում կայանված «Մերսեդես» ավտոմեքենայի կողային հայելիները: Նույն ժամանակահատվածում գողացել է Նոր Նորքի 4-րդ զանգվածի «Ծիածան» սուպերմարկետի մոտ կայանված «Մերսեդես» ավտոմեքենայի կողային հայելիները, Նանսենի փողոցի շենքերից մեկի բակում կայանված «ՎԱԶ-2121» ավտոմեքենայի կողային հայելիները:
Ձեռնարկվում են միջոցառումներ տուժողներին եւ գողոնը հայտնաբերելու ուղղությամբ:
Նախապատրաստվում են նյութեր:
