Ավտոներկրողները կրկին փողոց են դուրս եկել

Ավտոներկրողները կրկին բողոքի ակցիա են անում ՊԵԿ–ի դիմաց։ Նրանք պահանջում են թույլ տալ աջ ղեկով մեքենաներ ներկրել Հայաստան՝ այստեղ վերասարքավորելու նպատակով։

Նրանք նաև պնդում են, որ անհարմարություններ է պատճառում ավտոմաքսատունը Գյումրի տեղափոխելը։
Հիշեցնենք, որ ավելի վաղ ավտոներկրողները դարձյալ բողոքի ակցիա էին անում Պետական եկամուտների կոմիտեի դիմաց: Ավտոներկրողները հանդիպել էին ՊԵԿ նախագահի առաջին տեղակալ Ռաֆիկ Մաշադյանի հետ։ Հանդիպումը, սակայն, չէր գոհացրել նրանց։