Ավտոներկրողների բողոքի ակցիան` ՊԵԿ-ի շենքի դիմաց
Այսօր Պետական եկամուտների կոմիտեի դիմաց էին հավաքվել ավտոմեքենաների ներկրողներ, որոնք բողոքում էին ավտոմաքսատան բրոքերների քանակից, որի հետևանքով չեն հասցրել հայտարարագրեր կազմել ժամանակին և իրենց մեքենաների մաքսազերծումը կատարվելու է մաքսազերծման նոր հաշվարկով:
«Աշխատողներ չեն տրամադրում, բոլորս կանգնած ենք այդ խնդրի առաջ, որ բրոկերներ չկան, մի բրոկեր ասում է`այնքան գործ ունեմ, չեմ հասցնում: Մենք մինչև դեկտեմբերի 31-ը բերել եմ, մաքսազերծել եմ, բայց բրոկերները չեն հասցնում»,-ասաց նա:
Ակցիայի մասնակիցները նշում էին, որ ակնկալում են, որ վերջապես վարչապետի հետ այս հարցին լուծում տան: «Լրացուցիչ ժամանակ ենք ցանկանում. թող աշխատողներ ունենան, որ կարողանանք մաքսազերծել»,- ասաց ակցիայի մասնակիցներից մեկը և նշեց, որ իրենք ժամանակին բերել, օրենքի սահմաններում հասցրել են մաքսազերծել:
