Դանակահարություն Երևանի կենտրոնում. տուժածները հորեղբոր տղաներ են
Այսօր՝ հունվարի 12-ն, դանակահարության դեպք է տեղի ունեցել Երևանոմ: Ժամը 02։00-ի սահմաններում «Նաիրի» բժշկական կենտրոնից ոստիկանութան կենտրոնական բաժին ահազանգ է ստացվել, որ դանակահարված վիճակում իրենց մոտ է տեղափոխվել 2 քաղաքացի։
Ինչպես հայտնում է Shamshyan.com-ը, բժիշկները ոստիկաններին հայտնել են, որ վիրավորներն ի վիճակի չեն կատարվածի մասին բացատրություն տալու, քանի որ գտնվում են վիրահատարանում։ Կենտրոնի ոստիկանները պարզել են, որ վիրավորներն են Երևան քաղաքի բնակիչներ 33-ամյա Դավիթ Գրիգորյանն ու 24-ամյա Վահագն Գրիգորյանը։
Ոստիկանները պարզել են նաև, թե որտեղ է տեղի ունեցել դանակահարությունը։ Փաստի առթիվ հարուցվել է քրեական գործ: ֆոտոլրագրող Գագիկ Շամշյանի տեղեկություններով՝ վիրավորները հորեղբոր տղաներ են։
