ՀՐԱՏԱՊ. Եղվարդ քաղաքում թալանել են Արդշինբանկին պատկանող տերմինալը

Auroranews-ը քիչ առաջ ահազանգ ստացավ, որ Կոտայքի մարզի Եղվարդ քաղաքում գտնվող Արդշինբանկի մասնաճյուղը թալանել են: Տեղեկությունը ճշտելու համար կապ հաստատեցինք ՀՀ Ոստիկանության լրատվության ծառայության աշխատակից Զարզանդ Գաբրիելյանի հետ, որը Auroranews-ի հետ զրույցում 

հայտնեց, որ դեպքը տեղի է ունեցել այսօր` հունվարի 10-ին, գիշերը  ժամը 4:45-ին:

«Ոստիկանության ծառայողները ք. Եղվարդի Երևանյան փողոցում ծառայություն իրականացնելիս նկատել են, որ թիվ 5 հասցեում գտնվող Արդշինբանկին պատկանող տերմինալը տեխնիկական միջոցների գործադրմամբ բացված է: Ընդունվել է հաղորդում, հանգամանքները պարզվում են»-, մեզ հետ զրույցում  հայտնեց Գարբիելյանը: