Ամերիկյան հեղինակավոր The New York Times պարբերականը հոդված է պատրաստել ժենգյալով հացի մասին։ Հոդվածագիրը տեղեկացնում է, որ Ղարաբաղյան խոհանոցի այցեքարտը՝ ժենգյալով հացը, այսուհետ կպատրաստվի և կվաճառվի նաև ԱՄՆ-ում:

Հոդվածում նշվում է, որ 2019-ին բացված հաստատությունում ամեն օր մինչև 100 հատ «կանաչիով հաց» է թխվում: Պարբերականը նաև նշում է, որ այս ուտեստի ծագման վայրը Լեռնային Ղարաբաղն է։

«Հացը լցոնված է մոտ 10-20 տեսակի տարբեր կանաչիներով և վայրի բույսերով: Դրանցից շատերն աճում են միայն Լեռնային Ղարաբաղում (օրինակ՝ հենց խճճված խոտը կամ կնձմնձուկը), և դրանք հնարավոր չէ գտնել Լոս Անջելեսում», – նշվում է հրապարակման մեջ։