«Դալմա Գարդեն Մոլ»-ը արտակարգ իրավիճակի վերաբերյալ պարզաբանում է տարածել
«Դալմա Գարդեն Մոլ» պաշտոնական հաղորդագրություն է տարածել այսօր առևտրի կենտրոնում տեղի ունեցած արտակարգ իրավիճակի մասին:
Պարզաբանումը ստորև.
Սիրելի հաճախորդներ, տեղեկացնում ենք, որ նախորդ մեկ ժամվա ընթացքում «Դալմա Գարդեն Մոլ»-ում նկատվել են տեղային ցնցումներ, ինչի արդյունքում առևտրի կենտրոնի ղեկավարությունը կազմակերպել է անվտանգության կանոնների պահպանման բոլոր քայլերը, այդ թվում` առևտրի կենտրոնի բոլոր աշխատակիցների և հաճախորդների տարհանումը կենտրոնից։ Առայժմ անհանգստանալու պատճառ չկա։
Այս պահին ՀՀ արտակարգ իրավիճակների նախարարության աշխատակիցները կատարում են շենքի և հարակից տարածքների մանրակրկիտ զննում՝ ցնցումների պատճառը պարզելու նպատակով։ Ելնելով մեր աշխատակիցների և հաճախորդների անվտանգությունից՝ վաղը՝ հունվարի 10-ին, Դալմա Գարդեն մոլը չի աշխատելու։
Հետևեք միայն մեր պաշտոնական գրառումներին։
