Զրոյական հարկեր. ընտանիքով հավաքվում, վերադառնում ենք հայրենիք. Գաբրիելյան

Զրոյական հարկեր անձնական իրերի եւ մեքենայի համար. ինչպես ասում են, ընտանիքով հավաքվում, տուն-տեղ վերցնում եւ վերադառնում ենք մեր սիրելի հայրենիք: Այս մասին ֆեյսբուքյան իր էջում գրել է ԱԺ «Իմ քայլը» խմբակցության պատգամավոր Սիսակ Գաբրիելյանը:

«Շուրջ կես տարվա թիմային աշխատանքի արդյունքում հայրենադարձությունը խթանող նախագիծն արդեն շրջանառության մեջ է:

Արտերկիր արտագաղթած սիրելի՛ հայրենակիցներ, անկախ նրանից՝ դուք ՀՀ քաղաքացի եք թե ոչ, ՀՀ-ում ունեք հաշվառում թե ոչ, եթե ՓԱՍՏԱՑԻ 3 ՏԱՐԻ (ճշտվելու է համապատասխան ծրագրի միջոցով) չեք ապրել Հայաստանում եւ ցանկանում եք մշտական բնակություն հաստատել հայրենիքում, ապա առանց որեւէ մաքսատուրքերի եւ հարկերիի կարող եք ներկրել ձեր անձնական իրերը՝ տեխնիկա, կահույք, հագուստ… եւ այլն, ինչպես նաեւ մինչեւ վերադարձն առնվազն 6 ամիս ձեզ պատկանող մեկ ավտոմեքենա:

Արտոնություններն այսքանով չեն սահմանափակվում: Ծավալուն այս նախագիծն առաջիկա օրերին կներկայացնեմ լայվերի, հարցազրույցների, ասուլիսների եւ տեսահոլովակների միջոցով: Ինչպես նաեւ կաշխատենք համապատասխան մարմինների հետ եւ կպատրաստենք մատչելի ուղեցույց՝ գործընթացն էլ ավելի մատչելի եւ պարզ դարձնելու համար։

Շնորհակալ կլինեմ ԶԼՄ ներկայացուցիչներին աջակցության համար:

Նախագծի մշակմանն օժանդակելու համար շնորհակալ եմ ՀՀ ՊԵԿ նախագահ Դավիթ Անանյանին, ՀՀ մաքսային ծառայության պրոֆեսիալ անձնակազմին, ՀՀ ոստիկանության անձնագրային եւ վիզաների վարչության պետ Մնացական Բիչախչյանին, Սփյուռքի գործերի գլխավոր հանձնակատար Զարեհ Սինանյանին եւ ՀՀ արդարադատւթյան ներկայիս նախարար Ռուստամ Բադասյանին»,- գրել է նա: