Թրամփի կոշտ հայտարարությունը. ԱՄՆ-ը Իրանի նկատմամբ տնտեսական նոր պատժամիջոցներ կսահմանի
«Քանի դեռ ես ԱՄՆ նախագահ եմ, Իրանին երբեք չի թույլատրվի ունենալ միջուկային զենք»,- հենց այս խոսքերով Թրամփը սկսեց իր ուղերձը։ ԱՄՆ նախագահը կոչ արեց դաշնակիցներին հրաժարվել Իրանի հետ միջուկային համաձայնագրից և աշխատել Իրանի հետ նոր համաձայնագրի վրա, որը «աշխարհն ավելի ապահով կդարձնի»։
Թրամփը նաև հայտարարեց, որ Վաշինգտոնը պատրաստվում է տնտեսական նոր կոշտ պատժամիջոցներ կիրառել Իրանի նկատմամբ:
«Քանի դեռ մենք որոշում ենք Իրանին համարժեք պատասխան տալ, Նահանգները նոր տնտեսական խիստ պատժամիջոցներ կսահմանի Իրանի վարչակարգի նկատմամբ: Պատժամիջոցները կմնանա ուժի մեջ այնքան, քանի դեռ Իրանը չի փոխել իր պահվածքը»,- ասել է ԱՄՆ առաջնորդը:
Իրանի կողմից հունվարի 8-ին Իրաքում տեղակայված ամերիկյան ռազմաբազաները հրթիռակոծելու հետևանքով ոչ մի ամերիկացի չի տուժել:
