ՏԵՍԱՆՅՈՒԹ․ Ավստրալիայում հրդեհի հետևանքով սատկել է մոտ մեկ միլիարդ կենդանի

Վերջին տվյալների համաձայն՝ Ավստրալիայում հրդեհների հետևանքով սատկել է ավելի քան մեկ միլիարդ կենդանի՝ կոալաներ, կենգուրուներ և այլ կենդանատեսակներ:

Հիշեցնենք, որ վերջին ամիսներին Ավստրալիայում մոտ հինգ միլիոն հեկտար անտառ է վառվել, զոհվել է առնվազն 23 մարդ և հազարավոր կենդանիներ, ավերվել է ավելի քան հազար տուն, որոշ շրջաններում ծխի պատճառով հնարավոր չի եղել անգամ օդից մարել կրակը: Իշխանությունները գործի են դրել ռազմանավեր ափամերձ շրջանների բնակիչներին տարհանելու նպատակով:

Անտառային հրդեհների պատճառով Ավստրալիայի շրջաններում և մայրաքաղաքում օդի աղտոտվածությունը 26 անգամ գերազանցել է «կյանքի համար վտանգավոր» սահմանը:

Ըստ տեղի իշխանությունների, կրակը արագ տարածվում է ուժեղ քամու և ռեկորդային բարձր ջերմաստիճանի պատճառով: