Մարալիկում ծննդատան աշխատակիցները փակել են ճանապարհը. պահանջում են վարչապետի հետ հանդիպում

Արդեն 1 ժամից ավելի է, ինչ Շիրակի մարզում լարված ու պայթյունավտանգ իրավիճակ է: Մարալիկ քաղաքի կենտրոնական փողոցում երթևեկությունը կաթվածահար է եղել: Այդ մասին հայտնում է shamshyan.com-ը։

Ըստ աղբյուրի՝ Մարալիկի ծննդատան և հիվանդանոցի աշխատակիցները Մարալիկ քաղաքի և հարակից գյուղերի մեծ թվով բնակիչներ, որոնք դեռ ԽՍՀՄ տարիներից բուժօգնություն ստանալու նպատակով օգտվել են ծննդատնից ու բժշկական կենտրոնից, փակել են ճանապարհը և պահաջնում են՝ վարչապետ Նիկոլ Փաշինյանը անձամբ լուծի ծննդատան ու հիվանդանոցի խնդիրը:

«Ճանաապարհը փակած ենք պահելու այնքան ժամանակ, մինչև մեր խնդրին միջամտի վարչապետը»,-հայտարարել են ցուցարարները:

Աղբյուրը նաև նշում է, որ դեպքի վայր են ժամանել ոստիկանության Շիրակի մարզային ն վարչության ծառայողները: Տեղում են նաև ճանապարհային ոստիանության 2-րդ սպայական գումարտակի 2-րդ վաշտի 3-րդ դասակի ծառայողները, որոնք բանակցություններ են վարում բողոքի ակցիայի մասնկաիցների հետ, որպեսզի ճանապարհը բացվի: