Էրդողանը` տարածաշրջանում տիրող իրավիճակի մասին

Թուրքիայի նախագահ Ռեջեփ Թայիփ Էրդողանը «Թուրքական հոսք» գազատարի բացման արարողության ժամանակ անդրադարձավ տարածաշրջանում ստեղծված իրավիճակին: Նա նշեց՝ տարածաշրջանում շարունակվում է լարվածությունը, և այն հասել է մի կետի, որ չէին ցանկանա՝ դրան հասներ:

«Հակառակը՝ մեր հարևան Իրաքը այժմ կայունությունը կորցնելու վտանգի տակ է, իրաքյան թուրքմենների վիճակը մեզ կարևոր է նույնքան, որքան ողջ բնակչության վիճակը: Իրաքի բնակիչները մեր եղբայրներն են, Թուրքիան շատ զգայուն է այս հարցում, մենք այդ մասին ավելի վաղ հայտնել ենք:

Մենք օգնության ձեռք ենք մեկնել Իրաքին, երբ պատերազմի զանգերն էին ղողանջում, մեր նպատակն է սթափ միտքը վերադարձնել մեր տարածաշրջան: Այս տարածարջանը պետք է չդառնա նոր պատերազմի կենտրոն, դրա համար պետք է օգտագործենք մեր ձեռքի տակ եղած բոլոր հնարավորությունները, որ այն չդառնա արյան ու արցունքի տարածաշրջան: Հուսով ենք՝ կկարողանանք հաղթահարել այս զգայուն, լարված շրջանը»,- ասել է նա: