ԱՄՆ-ը արգելել է ամերիկյան քաղաքացիական օդանավերին թռիչքներ իրականացնել Իրաքի և Իրանի օդային տարածքներում

ԱՄՆ դաշնային ավիացիոն վարչությունն արգելել է ամերիկյան քաղաքացիական օդանավերին թռիչքներ իրականացնել Իրաքի և Իրանի օդային տարածքներում, Պարսից ծոցի և Օմանի ծոցի ջրերի վրա, փոխանցում է ՏԱՍՍ-ը։

«ԱՄՆ դաշնային ավիացիոն վարչությունը շարունակում է ուշադիր հետևել Մերձավոր Արևելքում տիրող իրավիճակին»,-ասված է հաղորդագրությունում: 

Նշենք, որ Իսլամական հեղափոխության պահապանների կորպուսը, որը մի քանի ժամ առաջ բալիստիկ հրթիռներով հարվածել է Իրաքում ամերիկյան բազաներին, սպառնացել է վրեժխնդիր լինել բոլոր երկրներից, որոնք կհամարձակվեն իրենց օդային տարածքը տրամադրել ամերիկացիներին։