Եղեգնուտի 89-ամյա բնակիչն ահազանգում է նախկին գյուղապետի ապօրինությունների մասին. ՀՔԱՎ

ՀՔԱՎ գրասենյակ է դիմել Եղեգնուտ գյուղի 89-ամյա բնակիչ Լենտրուշ Կոստանյանը և ներկայացրել մի շարք հաղորդումներ հանցագործության մասին:

Գյուղի տարեց բնակիչը ներկայացնում է տվյալներ՝ գյուղի նախկին գյուղապետ Միշա Հովհաննիսյանի ապօրինությունների մասին, մասնավորապես՝ 24 մլն. դրամի անհետացման, որը նախատեսված է եղել գյուղի խմելու ջրի համակարգի կառուցման համար: Այդ գումարն անհետացել է, իսկ գյուղի համար նորմալ ջուր ունենալը դեռ խնդիր է: Սրանից բացի՝ գյուղապետն իր եղբորը ձևակերպել է որպես ջրի աշխատող, որը աշխատավարձ է ստացել համայնքի բյուջեից՝ ոչինչ չանելու համար: Դպրոցի տնօրենը նույնպես թույլ է տվել չարաշահումներ, ձևակերպել մի քանի պահակների, որոնք, Կոստանյանի խոսքով, անգամ դպրոցի դուռ չեն բացել: Տասնյակ տարիներ գյուղում գումարներ են յուրացվել, ու իրավապահ մարմինները աչք են փակել դրա վրա: Նա կասկածներ ունի, որ գյուղապետը միայնակ չէր անի այդ չարաշահումները, այլ՝ նախկին մարզպետի ու ոստիկանապետի իմացությամբ ու հովանավորությամբ: Գյուղն այժմ նոր գյուղապետ ունի:

Առավել մանրամասն՝ սկզբնաղբյուրում: