Ընդդիմությունը պահանջում է քրգործ հարուցել Թբիլիսիի քաղաքապետի դեմ
«Միասնական ազգային շարժում» կուսակցության անդամները Վրաստանի Գլխավոր դատախազությունում երկու բողոք են գրանցել Թբիլիսիի քաղաքապետ Կախա Կալաձեի դեմ. մայրաքաղաքի քաղխորհրդի ընդդիմադիր պատգամավորները պահանջում են, որ քննչական գերատեսչությունը ուսումնասիրի նրա գործունեությունը կոռուպցիոն գործարքների առումով: Այս մասին տեղեկացնում Է «Գրուզիա Online»-ին:
Խոսքը քաղաքապետարանի կողմից արված երկու գնումների մասին է: Նշենք, որ Թբիլիսիի գլխավոր ամանորյա եղևնու արժեքը 304,8 հազար եվրո (մոտավորապես 1 մլն լարի) Է: Քաղխորհրդի պատգամավոր Լևան Խաբեիշվիլին պնդում Է, որ տեղադրված եղևնու իրական արժեքը տասն անգամ պակաս Է այն գումարից, որը բյուջեից ծախսվել Է այն ձեռք բերելու համար:
Թբիլիսիի քաղաքապետարանը 2020 թվականը դիմավորելու համար 25-մետրանոց եղևնին ձեռք Է բերել IDO SRL իտալական ընկերությունից: Մայրաքաղաքի լուսավորության ու ամանորյա շքեղ տեսքի համար քաղաքային իշխանությունը ծախսել է ավելի քան 525 հազար եվրո:
