Տաքսու վարորդի նկատմամբ բռնություն գործադրելու դեպքի առթիվ հարուցված քրգործը ՔԿ-ն վարույթ է ընդունել
ՀՀ Քննչական կոմիտեի ԵՔՔՎ Արաբկիր վարչական շրջանի քննչական բաժինը վարույթ է ընդունել տաքսու վարորդի նկատմամբ խուլիգանական դրդումներով բռնություն գործադրելու դեպքի առթիվ ՀՀ ոստիկանությունում հարուցված քրեական գործը: Այս մասին ֆեյսբուքյան իր էջում գրել է Քննչական Կոմիտեի լրատվության բաժնի պետ Նաիրա Հարությունյանը։
Նա հայտնել է նաեւ, որ քրեական գործի շրջանակներում 48- ամյա տղամարդն ունի կասկածյալի դատավարական կարգավիճակ: Նրա նկատմամբ որպես խափանման միջոց է ընտրվել ստորագրությունը՝ չհեռանալու մասին:
