Տաքսիստին ծեծած «Բրաբուսի» վարորդի նկատմամբ քրեական գործ է հարուցվել
Դեկտեմբերի 26-ին համացանցում տարածված տեսանյութի առնչությամբ հարուցվել է քրեական գործ՝ ՀՀ քրեական օրենսգրքի 258-րդ հոդվածի 2-րդ մասի (խուլիգանություն) հատկանիշով։ Կատարվում է նախաքննություն։
Ավելի վաղ գրել էինք, որ «Մերսեդեսի» վարորդը տաքսիի հետ բախումից հետո իջել է մեքենայից, ձեռքերով ու ոտքերով հարվածել տաքսու տարեց վարորդին, գցել գետնին։ Անցորդներից մեկը միջամտել է։
Ոստիկանության Արաբկիրի բաժնի ծառայողները օպերատիվ-հետախուզական միջոցառումներ են ձեռնարկել ու պարզել «Մերսեդեսի» վարորդի ինքնությունն ու գտնվելու վայրը։ Դեկտեմբերի 27-ին Երևանի բնակիչ, 48-ամյա տղամարդը հայտնաբերվել է ու մեքենայով հանդերձ բերման ենթարկվել ոստիկանության Արաբկիրի բաժին։
