ՈՒՇԱԴՐՈՒԹՅՈՒՆ ՎԱՐՈՐԴՆԵՐԻՆ. Գեղարքունիքի բոլոր միջհամայնքային ճանապարհները, Գորայք-«Զանգեր» հատվածը դժվարանցանելի են
Արտակարգ իրավիճակների նախարարությունը տեղեկացնում է, որ դեկտեմբերի 27-ին՝ ժամը 23:00-ի դրությամբ ՀՀ տարածքում կան դժվարանցանելի ավտոճանապարհներ:
Վարդենյաց լեռնանցքը բեռնատարների համար փակ է, իսկ մարդատար ավտոմեքենաների համար՝ դժվարանցանելի:
Դժվարանցանելի են Գեղարքունիքի մարզի բոլոր միջհամայնքային ավտոճանապարհները:
Վարդենյաց լեռնանցքում, Գորայք-«Զանգեր» ավտոճանապարհինտեղ-տեղ առկա է մերկասառույց:
Արագածոտնի մարզի Ապարան քաղաքում, Արագած գյուղում, Վայոց ձորի մարզի Ջերմուկ քաղաքում, Գեղարքունիքի մարզում, Կոտայքի մարզի Աբովյան քաղաքում, Սարավան-«Զանգեր» ավտոճանապարհին, Վարդենյաց լեռնանցքում, Դիլիջանի ոլորաններում տեղում է ձյուն:
Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ՃԿԿ-ից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատարների համար:
