Դանակով զինված տղամարդը փորձել է ներխուժել Սուրբ Սերգեյ Ռոդոնեժսկի եկեղեցի

Այսօր` դեկտեմբերի 27-ին Մոսկվայի կենտրոնում գտնվող Սուրբ Սերգեյ Ռոդոնեժսկի ուղղափառ եկեղեցու տարածքում տղամարդը դանակով փորձել է ներխուժել ներս ու հարձակվել ներսում գտնվող հավատացյալների վրա: Այս մասին հայտնում է rusvesna.su կայքը: 

Կայքի տվյալներով` եկեղեցու անվտանգության աշխատակիցների ու դանակով զինված անձի միջև տեղի է ունեցել կոնֆլիկտ: Տղամարդն իրեն ոչ ադեկվատ է պահել ու փորձել է դանակով ներս մտնել եկեղեցի:

Երբ անվտանգության աշխատակիցը փորձել է կանգնեցնել տղամարդուն, վերջինս դանակով ինքն իրեն վնասել է: Ոստիկանությունը պարզում է կատարվածի մանրամասները: