Ամեն ինչ անում են, որ դուք չբողոքարկեք․ պատգամավորը՝ բալային համակարգի մասին
ՀՀ ԱԺ «Լուսավոր Հայաստան» խմբակցության անդամ Անի Սամսոնյանը ֆեյսբուքյան էջում անդրադարձել է «Պետական տուրքի մասին» օրենքում կատարվող լրացումին:
«Ծածուկ օրենքի նախագիծ երթևեկության բալային համակարգի տակ թաքնված:
Ընդունվեց «Պետական տուրքի մասին» օրենքում կատարվող լրացումը, ըստ որի Դատարաններում պետական տուրքի վճարումից ազատվում են վարչական իրավախախտումների վերաբերյալ համապատասխան լիազորված մարմինների ընդունված որոշման դեմ բողոքներով` բացառությամբ ճանապարհային ոստիկանության կողմից ընդունվածների:
Այսինքն`այսուհետ, հարգելի քաղաքացիներ, ՃՈ որոշումները բողոքարկելու համար դուք պիտի վճարեք պետական տուրք:
Կարճ ասած` ամեն ինչ անում են, որ դուք չբողոքարկեք: ԴԱՀԿ-ն մեզ քիչ էր, երևի…Ես դեմ եմ քվեարկել»,- գրել է պատգամավորը:
