Ռուսական ORSIS ընկերության գլխավոր տնօրենը հերքում է. ՊՆ-ից մենաշնորհ չեն պահանջել
Զինատեսակներ արտադրող ռուսական ORSIS ընկերության և ՀՀ ՊՆ-ի միջև լարվածությունը շարունակվում է: ORSIS ընկերության գլխավոր տնօրեն Վլադիմիր Զլոբինը РИА Новости-ին տված հարցազրույցում հայտարարել է, որ հայկական ԶԼՄ-ներում հրապարակված տեղեկությունը, որի համաձայն ընկերությունը հրաձգային զենքի հայկական շուկայում ՊՆ-ից մենաշնորհ է պահանջել, չի համապատասխանում իրականությանը:
«Դա անհիմն տեղեկություն է, մեր բոլոր հանդիպումները հայկական կողմի հետո գրանցվել են արձանագրություններով և նամակներով, մենք ոչ մի անգամ մենաշնորհ չենք պահանջել»,- ասել է Զլոբինը:
