Նազիկ Ամիրյանի վերաբերյալ գործն առանձնացվեց Մանվել Գրիգորյանի գործից
Երեւանի ընդհանուր իրավասության դատարանի Կենտրոն եւ Նորք Մարաշ վարչական շրջանների նստավայրում՝ նախագահությամբ Մնացական Մարտիրոսյանի, որոշում կայացրեց ԱԺ նախկին պատգամավոր, գեներալ Մանվել Գրիգորյանի դատական գործն առանձնացնել իր կնոջ՝ Նազիկ Ամիրյանի գործից։
Դատարանն արձանագրեց, որ պարբերաբար դատական նիստերը հետաձգվում են Մանվել Գրիգորյանի առողջական վիճակի պատճառով, ինչի պատճառով էլ գործն առանձնացվում է: Դատարանի այս որոշումը զայրացրեց պաշտպաններին, մասնավորապես Գուրգեն Գրիգորյանը հայտարարեց, որ հաջորդ դատական նիստին ինքնաբացարկի միջնորդություն է ներկայացնելու դատավոր Մնացական Մարտիրոսյանին։
Նազիկ Ամիրյանի գործով դատական նիստը նշանակվեց դեկտեմբերի 3-ին։
Հիշեցնենք, որ սույն գործով այդպես էլ դատարանը բուն դատաքննությանը չի անցել. նիստերը պարբերաբար հետաձգվում են Մանվել Գրիգորյանի առողջական վատ վիճակի պատճառով:
