Ինքնասիրություն ունեցող ցանկացած հայ տղամարդու, կնոջ կոչ եմ անում միանալ մեր շարժմանը. մոտոերթ է նախատեսվում (տեսանյութ)
Նոյեմբերի 20-ին՝ ժամը 14։30-ին, Երևանում կանցկացվի մեծ մոտոերթ կանցկացվի, այս մասին ֆեյսբուքյան ուղիղ եթերով հայտարարել է, Dark Ravens մոտոակումբի նախագահ, դերասան Գևորգ Գրիգորյանը։
«Տղա եղեք» խորագրով երթը մեկնարկելու է Սախարովի հրապարակից։ Երթին կարող են միանալ բոլորը, այդ թվում և ավտոմեքենաներով։
Ըստ դերասանի՝ ակցիայի նպատակն է քարոզել իսկական հայ տղամարդու տեսակը և դրա անհրաժեշտությունը կա հիմա: մեր տեսակը մեզանից բացի ուրիշ ոչ մեկ չի պաշտպանելու։ Դրա համար ինքնասիրություն ունեցող ցանկացած հայ տղամարդու, կնոջ, աղջկա կոչ եմ անում միանալ մեր շարժմանը: Ցանկացած իրեն հարգող տղամարդու համար չի կարող միևնույն լինել, թե ինչ է կատարվում»,– ասել է դերասանը:
