Նոյեմբերի 15-ին, արտակարգ դեպք է գրանցվել Կապանի բժշկական կենտրոնում։ Հիվանդանոց են տեղափոխվել Կապանում ապրող երեք կին, որոնցից երկուսը` թոշակառու։

Ինչպես տեղեկացնում է Sputnik Արմենիան, համապատասխան հետազոտություններից հետո բժիշկները կանանց մոտ սիբիրախտ են ախտորոշել։

Ըստ տարածված խոսակցությունների` հիվանդանոց տեղափոխված կանայք Կապանում գործող մսի խանութներից մեկից խոշոր եղջերավոր անասունի միս են գնել ու կերել։ Չի բացառվում, որ հիվանդության հարուցիչը նրանց է փոխանցվել գնված մսից։ Կատարվածի հանգամանքները կպարզեն իրավապահներն ու մասնագետները։