Էրդողանը կրկին սկանդալային հայտարարություններ է արել հայերի վերաբերյալ
Թուրքիայի նախագահ Ռեջեփ Թայիփ Էրդողանը Մերիլենդի ամերիկյան կրոնական կենտրոնում ունեցած իր ելույթի ընթացքում հայերի մասին սկանդալային հայտարարություններ է արել:
Նա նշել է, թե անցյալում հայերը ապրել են քոչվորների պես, և Հայաստանը «երիտասարդ պետություն» է:
«Հայաստանը երեկվա պետությունն է: Նախկինում նրանք ապրում էին որպես փախստականներ և թափառում: Թուրքիայում նրանք հաճախ էին փոխում իրենց բնակության վայրը: Այդ ժամանակ որոշում է կայացվել հարկադիր տեղափոխման մասին»,- ասել է Էրդողանը:
Թուրքիայի նախագահը նաև հայտարարել է, որ այժմ իր երկրում ապրում է 100 հազար հայ: Ըստ նրա՝ նրանցից 60 հազարը Թուրքիայի քաղաքացիներ են, իսկ մնացածը «ապօրինի միգրանտներ» են:
