Վենետիկում տեղի ունեցած ջրհեղեղից հետո Իտալիան այսօր արտակարգ դրություն է հայտարարել: Իտալիայի վարչապետ Ջուզեպե Կոնտեն հայտարարել է, որ կառավարությունն արագ միջոցներ և ռեսուրսներ կտրամադրի ջրհեղեղի հասցրած վնասը վերականգնելու համար:

Sky News-ի փոխանցմամբ՝ Իտալիայի կառավարությունը նպատակ ունի բարձր մակընթացությունից պաշտպանող արգելապատնեշ կառուցել հետագայում նման աղետները կանխելու համար:

Մակընթացության պատճառով ՅՈՒՆԵՍԿՕ-ի համաշխարհային ժառանգություն հանդիսացող քաղաքի 80 տոկոսը հայտնվել էր ջրի տակ: Վերջին 50 տարիների ընթացքում սա Վենետիկին պատուհասած ամենամեծ ջրհեղեղն է: Նոյեմբերի 12-ին ջրի մակարդակը հասել էր 187 սմ-ի:

Ինչպես ավելի վաղ հայտնել էինք  ջրհեղեղից տուժել է նաև Վենետիկի սուրբ Ղազար կղզին: Կղզու հայկական եկեղեցու հիմքը հայտնվել է ջրի տակ: