ՏԵՍԱՆՅՈՒԹ. Տեղատարափ անձրևները հեղեղել են Վենետիկը
Վենետիկի տարածքի 80 տոկոսից ավելին հայտնվել է ջրի տակ, ջրի մակարդակը հասել է 187 սմ-ի։ Իշխանությունները պատրաստվում են արտակարգ դրություն հայտարարել։ Այս մասին հայտնում է ANSA գործակալությունը։
Սուրբ Մարկոսի հրապարակը լիովին ջրածածկ է եղել, այնտեղ ջրի մակարդակը գերազանցում է 1 մետրը։ Հեղեղված է նաև նույնանուն տաճարը։
Ջրի ավելի բարձր մակարդակ (190 սմ) գրանցվել է 1966 թվականին, երբ հեղեղաջրերը ծածկել էին ոչ միայն Վենետիկը, այլև իտալական այլ քաղաքներ, այդ թվում Ֆլորենցիան։ 130 սմ-ն արդեն իսկ համարվում է կրիտիկական մակարդակ։
Վենետիկի քաղաքապետ Լուիջի Բրունյարոն հայտարարել է, որ քաղաքն իսկական աղետ է վերապրում։ Բնակիչներին խորհուրդ է տրվել փողոց դուրս չգալ։
