Պատգամավորներին կարո՞ղ են գաղտնալսել, թե՞ ոչ․ Մելքումյանը խնդրեց պարզաբանել

Ազգային ժողովում այլ նախագծի քննարկման ժամանակ, օգտվելով գաղտնալսումների մասին հիշատակումից, ԲՀԿ պատգամոր Միքայել Մելքումյանը խնդրեց պարզաբանել՝ ի վերջո, պատգամավորներին գաղտնալսո՞ւմ են, թե՞ ոչ, կարելի՞ է գաղտնալսել, թե՞ ոչ։

Արդարադատության նախարարի տեղակալ Սրբուհի Գալյանը բացատրեց, որ եթե չկա դատարանի որոշում, ապա դա անելն անհնար է։ Իսկ դատարանի որոշման համար անհրաժեշտ է, որ գաղտնալսվող անձը առնվազն կասկածվի հանցագործություն կատարելու մեջ։

Իսկ այդ հանցագործությունն էլ, ըստ փոխնախարարի, պետք է լինի ծանր հանցագործություն, այլապես գաղտնալսման թույլտվություն չի լինի։