Արա Բաբլոյանը Հատուկ քննչական ծառայությունում է
ԱԺ նախկին նախագահ Արա Բաբլոյանը ներգրավվել է որպես կասկածյալ՝ սահմանադրական դատարանի լիազորություններին տիրանալու կասկածանքով։
ՀՀ ԱԺ նախկին նախագահ Արա Բաբլոյանն այս պահին գտնվում է Հատուկ քննչական ծառայությունում։
Այս լուրը Sputnik Արմենիայի հետ զրույցում հաստատեց ՀՀԿ–ի փոխնախագահ Արմեն Աշոտյանը։ Նշենք, որ Արա Բաբլոյանը ևս Հայաստանի Հանրապետական կուսակցության անդամ է։
ԶԼՄ–ների տեղեկություններով` ՀՀ քրեական օրենսգրքի 300-րդ հոդվածի 1-ին մասով հարուցված քրեական գործի նախաքննության ընթացքում ԱԺ նախկին նախագահ Արա Բաբլոյանը ներգրավվել է որպես կասկածյալ՝ սահմանադրական դատարանի լիազորություններին տիրանալու կասկածանքով։
