ՏԵՍԱՆՅՈՒԹ. Լեդի Գագան համերգի ժամանակ երկրպագուի հետ «գրկախառնված» ընկել է բեմից
Ամերիկացի երգչուհի և դերասանուհի Լեդի Գագան Լաս Վեգասում համերգի ժամանակ ընկել է բեմից, երբ երկրպագուի հետ պարելիս է եղել:
Երգչուհու՝ երկրպագուի գրկում բեմից ընկնելու պահը ցուցադրող տեսանյութը հրապարակել են ներկաները՝ տարբեր սոցցանցերում:
Տարբեր տեսանկյուններից նկարահանված տեսանյութերից դատելով՝ Լեդի Գագան ու անհայտ պարողը կարող են վնասվածքներ ստացած լինել:
«Այսօր երեկոյան Լեդի Գագան անհաջող ընկել է բեմից՝ այն բանից հետո, երբ երկրպագուն բռնել է նրան ու սայթաքել... Սակայն երգչուհին բեմ է վերադարձել ու շարունակել է ելույթը: Մենք հուսով ենք, որ նրա ու նրա երկրպագուի հետ ամեն ինչ կարգին է»,- գրել է @GagaMediaDotNet թվիթերյան ֆան-էջի ադմինիստրատորը:
