«Էրեբունի-Երևան» տոնակատարություններին մետրոն կաշխատի արտակարգ ռեժիմով
Երևանի մետրոպոլիտենի լրատվական ծառայությունից տեղեկացնում են, որ «Էրեբունի-Երևան» տոնակատարությունների շրջանակում «Կարեն Դեմիրճյանի անվան Երևանի մետրոպոլիտեն» ՓԲԸ-ն հոկտեմբերի 19-ին աշխատանքներն իրականացնելու է արտակարգ ռեժիմով։
Երևանի մետրոպոլիտենի աշխատանքային գրաֆիկում կլինեն որոշակի ժամային փոփոխություններ:
Մետրոյի աշխատանքները կսկսվեն 07:00-ից և կավարտվեն 24:00-ին։
Մետրոպոլիտենը միշտ աշխատել և աշխատում է իր կարգախոսի համաձայն՝ «արագ, անվտանգ և անխափան»:
