Տիգրան Առաքելյանի հոգեհանգիստը տեղի կունենա ոստիկանության ակադեմիայում
Ազատության պողոտայում տեղի ունեցած միջադեպի հետևանքով սպանված ոստիկան Տիգրան Առաքելյանի հոգեհանգիստը տեղի կունենա այսօր՝ հոկտեմբերի 17-ին, ժամը 18:00-ին՝ Ոստիկանության ակադեմիայում, Ծովակալ Իսակով 18 հասցեում:
Հիշեցնենք, հոկտեմբերի լույս 16-ի գիշերը միջադեպ է տեղի ունեցել Ազատության հրապարակում, որի հետևանքով ծառայողական պարտականությունները կատարելիս 38-ամյա ոստիկանության ավագ Տիգրան Առաքելյանը զոհվել է, իսկ նրա համածառայակից Արսեն Հակոբյանը՝ ստացել վնասվածքներ գլխի շրջանում: Մահացած ոստիկանը՝ Տիգրան Առաքելյանը, Արարատի մարզի Արգավանդ գյուղից էր, երկու անչափահաս երեխա ունի:
