Հրդեհ Սևաբերդ գյուղում. օգնության են հասել փրկարարները

Հոկտեմբերի 17-ին, ժամը 13:57-ին «911» ծառայություն ահազանգ է ստացվել, որ հրդեհ է բռնկվել Կոտայքի մարզի Սևաբերդ գյուղի տներից մեկում:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 15:20-ին, մարվել՝ 15:53-ին:

Այրվել են 2-րդ փողոցի տներից մեկի տանիքի փայտյա կառուցատարրերը՝ մոտ 2 քմ և տանը կից վագոն-տնակը՝ ամբողջությամբ (մոտ 20 քմ):