Դե արի ու մի խենթացիր. Աշոտյանը` տիրող իրավիճակի մասին
Հայաստանի Հանրապետական կուսակցության փոխնախագահ Արմեն Աշոտյանը ֆեյսբուքյան իր էջում գրառում է արել, որում նշում է, որ միջազգային ասպարեզում կարևորագույն իրադարձություններ են տեղի ունենում, իսկ Հայաստանում ՀՔԾ-ն ՍԴ նախագահ Հրայր Թովմասյանի դեմ քրգործ է հարուցում, իսկ քննչական խումբը առավոտից ՀՀԿ գրասենյակում Թովմասյանի վրա «կեղտ է ման գալիս»:
Գրառման մեջ ասվում է.
«Թուրքական զորքերը Սիրիայի հյուսիսում են: Պուտինը Էրդողանին հրավիրել է Մոսկվա: Թրամփը Էրդողանին աղմկահարույց նամակ-առաջարկ է հղել:
Բաքվում կայանում է թյուրքալեզու պետությունների ղեկավարների գագաթնաժողովը: Ալիևը բաց տեքստով խոսում է Զանգեզուրի մասին: Ադրբեջանական քարոզչամեքենան ողջ թափով աշխատում է մեր դեմ՝ թե՛ Ռուսաստանում, թե՛ Արևմուտքում:
Ադրբեջանցիները պատրաստվում են սահմանային սադրանքների:
Իսկ ի՞նչ ենք անում մենք: Նիկոլը 10 մլն ծառ տնկելու խոստում է տալիս, ՀՔԾ-ն Հրայր Թովմասյանի դեմ քրգործ է հարուցում, առավոտվանից Հանրապետականի գրասենյակում քննչական խումբը Թովմասյանի վրա կեղտ է ման գալիս:
Հա, մեկ էլ Միլանում և Հռոմում ազգովի սուրճ խմելու ենք պատրաստվում:
Դե արի ու մի խենթացիր...»:
