Դատարանը մերժել է Վանեցյանի նկատմամբ քրգործ չհարուցելու վերաբերյալ Իոաննիսյանի բողոքը

Երևանի ընդհանուր իրավասության դատարանը, դատավոր Կարեն Ֆարխոյանի նախագահությամբ, մերժեց Ազգային անվտանգության ծառայության նախկին տնօրեն Արթուր Վանեցյանի դեմ «Իրազեկ քաղաքացիների միավորում» հասարակական կազմակերպության համակարգող Դանիել Իոաննիսյանը բողոքի գործով որոշումը՝ բողոքի անհիմն լինելու պատճառաբանությամբ: 

Արթուր Վանեցյանի նկատմամբ հանցագործության մասին հաղորդում էր ներկայացվել Հատուկ քննչական ծառայություն։ ՀՔԾ-ն քրեական գործ չէր հարուցել և դատարանում բողոքարկվում էր ՀՔԾ-ի հենց այդ որոշումը: Այդ ժամանակ Արթուր Վանեցյանը հանդիսանում էր ԱԱԾ տնօրեն: 

Դանիել Իոաննիսյանի և Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցի բողոքի հիմքում «Քաղաքացու որոշում» կուսակցության անդամ Գարեգին Միսկարյանի այն գրառումն էր, որտեղ նշվել էր, որ Արթուր Վանեցյանի ընտանիքը ծաղկի բիզնես ունի: Այս գրառումից հետո քաղաքացին ԱԱԾ-ից  ծանուցում էր ստացել, որով պահանջում էին, որ նա հերքի իր գրառման մեջ տեղ գտած տեղեկությունը: